La Biblioteca Teßmann presentëia novités dla leteratöra de viaje
Cun na morstra y la presentaziun dl liber nü de Tobias Moroder él la Biblioteca provinziala Teßmann che presentëia de plü manuai nüs sön le iade ai 09 de jügn.
Les sorts de iade y les motivaziuns por se mëte sön le iade ê y é desvalies y ince les informaziuns sön y por chisc iadi é desvalies. Puntualmënter por le scomenciamënt dles vacanzes pó nostes leturies y nüsc leturs ciutié ite te nüsc manuai nüs: tl foyer de nosta biblioteca él metü fora n valgügn manuai de iade sön travërc dër conesciüs o ince manco conesciüs, daimpró o dalunc, atira dan man por gní imprestá fora! Implü él de plü ciases edituries che presentará ai 9 de jügn, dales 18.00 inant, sü manuai impormá publicá. Al é n valgönes ediziuns nöies da descurí; dötes ó fá gní coriusc i leturs y les leturies y descedé la vëia da rodé.
Le program detaié
Dales 18.10: Ciasa edituria Athesia-Tappeiner – La coauturia Barbara Benedini presentëia le manual por e-bike „E-Bike – Mountainbike. Südtirol Dolomiten Gardasee“. Dales 18.30: „Josef“, le manual de franzLab cun consëis da porsones dl post – le pröm volum é sön Balsan -, al vëgn presenté da Kunigunde Weissenegger. Dales 19:00: L'Istitut Ladin Micurá de Rü á publiché le liber „Die Dolomitenladiner“ pro la ciasa edituria Folio. L'editur Tobia Moroder inresc la cultura y les tradiziuns ladines. Dales 19.20: L'Ofize Parcs naturai (Elisabeth Berger) mostra la cherta geografica dles Dolomites Patrimone Mondial UNESCO, che é gnüda laurada fora en colaboraziun cun la Fondaziun Dolomites UNESCO y é gnüda fora pro la ciasa edituria Tabacco. Dales 19.50: Barbara Prugger (IDM Alto Adige) presentëia le sit ofizial por le turism tl Südtirol (suedtirol.info) y le sit „Storie da vivere“ che cunta stories de porsones, posć y stii de vita liá al Südtirol. Dales 20.10: La ciasa edituria Provinz-Verlag presentëia „66 Traumtouren im Vinschgau“ de Karin Rungg, Bärbel y Reinhard Jakubowski.
rc
