Reconoscimënt di titui de stüde danter la Talia y l’Austria
11 titui de stüdi austriacs gnará tosc conscidrá valifs ai titui de stüdi talians.
Le Consëi di Ministri dl’Austria definësc indoman la cornisc por la valivanza cina l’ann 2016 de 11 materies de stüde austriaches ai medemi cursc tles universités talianes. L’assessur por la scora y cultura todëscia Philipp Achammer sotlignëia che al se trata de n vare important por scemplifiché l’inserimënt tl monn dl laur di südtirolej che á studié tl’Austria. Plü avisa reverda la valivanza dl Consëi di ministri i cursc de stüde tles sciënzes dla comunicaziun (trëi agn), antropologia culturala y etnologia (dui agn), architetöra, chimica, stüdi söl gender, meteorologia y geofisica, farmazia, pedagogia dles religiuns, injinieria industriala (trëi agn) y injinieria mecanica (dui agn).
„Tratan les tratatives él ince gnü rajoné da analisé le setur che reverda la formaziun di maestri. Al é ince gnü stabilí da cherié n grup de laur“, á dit Achammer. Le reconoscimënt da pert dl govern dl’Austria ti vá adincuntra al svilup costant dles direziuns de stüdi nüs y consënt insciö ince n reconoscimënt diret dles materies. Cina sëgn él indöt 200 i titui de stüde che vëgn conscidrá valifs danter Talia y Austria. Por plü informaziuns sön le reconoscimënt di titui de stüde pó i interessá se lascé adintëne pro la Repartiziun Dërt al Stüde, Université y Inrescida scientifica de Balsan o ince sön internet tres la misciun: http://www.provincia.bz.it/diritto-allo-studio/info-studenti/studenti-studentesse-universitari.asp.
rc
