Dala Junta: ABD, nominaziun di mëmbri dl CdA nü
Do les demisciuns presentades inier á la Junta provinziala aprové la nominaziun di mëmdri dl CdA nü dl ABD, la sozieté che gestësc l’aeroport da Balsan.
I cinch mëmbri dl consëi de aministraziun dl ABD, la sozieté che manajëia l’aeroport da Balsan, á dé les demisciuns. Tratan la sentada dla Junta provinziala da incö (ai 12 de lugio) él gnü nominé i mëmbri nüs dl Consëi d’aministraziun passan ince da cinch a trëi. Le CdA nü sará insciö formé dala vizedireturia dl’Area sorvisc legal dla Provinzia Cristina Bernardi, dal chef dl cabinet dl presidënt dla Provinzia, Dominik Holzer y dala comerzialista Astrid Kofler.
„I compic dl consëi d’aministraziun sará dui: da öna na pert da garantí la transiziun dla strotöra aladô dles prescriziuns de lege y dles diretives dl’ENAC y dal’atra pert da acompagné la Provinzia tl percurs de venüda dl 100 porcënt dles cuotes dla sozieté. Chësta prozedöra gnará efetuada tres na bandida europeica coordinada dal’Agenzia por i apalc.“
rc
