Dala Junta: premies por l’archirida scientifica
Le pest scientifich dl Südtirol y le pest de archirida dl Südtirol por i jogn scienziá gnará assegná n ann porom. An pëia ia cun le pröm.
Pian ia cun le 2013 él la Provinzia che dá fora de plü pesć por jogn scienziá y jones scienziades cun l'obietif da sostigní l’archirida dantadöt por ci che reverda la jonëza. Al es trata dl pest scientifich dl Südtirol, cun na dotaziun de 15mile euro, che vëgn scrit fora por scienziá cun almanco 15 agn de esperiënza cun stüdi y inrescides che á n significat particolar por le raiun südtirolej. Implü assegnëia ince la Provinzia le pest d’archirida dl Südtirol por jogn scienziá, cun a desposiziun na premia de indöt 40mile euro.
Tla sentada dla Junta da incö (ai 9 d’agost) á la Junta provinziala aprové les diretives por l’assegnaziun di reconoscimënc y á ince tut la dezijiun da scrí fora i dui pesć n ann porom. Chësc ó dí che le pest scientifich dl Südtirol vëgn surandé tl 2016, l’ann dedô gnarál spo surandé le pest d’archirida por i jogn scienziá südtirolej. Les candidatöres podará gní presentades cina ai 31 d’otober, la valutaziun gnará fata da na comisciun internazionala che analisará la cualité scientifica, la cualifica profescionala, la capazité d’inovaziun, les conseguënzes dles prestaziuns scientifiches y le reconoscimënt tl setur internazional.
rc
