Dala Junta: strades, 100mile euro por i intervënc do le ri tëmp
Pröm arat di cosć sostignis dal Sorvisc strades do le ri tëmp de n vëndres ai 05/08. Dötadöm él gnü a se le dé intervënc por 100mile euro.
Le Sorvisc Strades dla Provinzia á albü de plü intervënc de prescia do le ri tëmp de en vëndres ai 5 de agost, cun danns dantadöt sön les strades tla Val Passiria y tl’Alta Val d’Isarch. La strada plü atocada dal ri tëmp cun tröc temporai é sté le percurs stradal che porta da Sterzing a San Martin tla Passiria. Le presidënt dla Provinzia Arno Kompatscher y l’assessur Florian Mussner rengraziëia „düc chi che á daidé, lauran 24 ores sön 24, por garantí la daurida dles strades tla manira plü asvelta poscibla“, y presentëia ince n pröm bilanz por ci che reverda n arat di danns: „al é gnü porté demez dai 800 ai 1.000 metri cubic de material, i cosć é dötadöm de söporjö 100mile euro“. De plü intervënc da pert dl Sorvisc strades por ressané les strades atocades dales conseguënzes dl ri tëmp é gnüs a se le dé tles vijinazes dles localités de Riffian, Kuens y St. Leonhard.
rc
