L’ann de scora mët tosc man: Bele fat domanda por l’Abo+?
Por che i scolars y i studënc pois s’anuzé inant ince di mesi dl trasport publich dessi renové abonora la cherta d’abonamënt Abo+ sön internet.
Le Südtirol Pass abo+ vel dal 1° de setëmber cina ai 15 de setëmber dl ann do. Söporjö 80.000 scolars y studënc á albü l’ann de scora passé n „Südtirol Pass Abo+“, cun chël che an pó s’anuzé döt l ann te döt Südtirol di mesi dl trasport publich paian 20 Euro (scolars) o 150 Euro (studënc) al ann. „Por tröc de nüsc jogn y scolars é l’abonamënt anual Abo+ oramai n sorvisc da ne ponsé nia plü demez“, sotlignëia l’assessur por la mobilité Florian Mussner. N terzo de düc i scolars y studënc á bele renové l’Abo+ ince por l’ann de scora che vëgn 2016/17. La domanda pó gní fata ince chësc ann, sides por ciafé che por renové le Südtirol Pass abo+, ma online sön le sit www.mobilitaaltoadige.info.
Le prozes de renovamënt dl Abo+ é dër saurí: al basta inserí la data de nasciüda, le numer dl codesc fiscal, le numer dl Abo+ y l'inom dla scora. Spo bastél da confermé le renovamënt y da paié la cuota anuala.
Düc chi che fej por le pröm iade domanda por l’ABO+ mëss ince dé jö na copia o na foto dl documënt d’identité dl scolars che fej domanda. Chësc mëss gní dé jö alplü tert 15 dis do la domanda por email (ala misciun che é da odëi do la contlujiun dl’iscriziun) o – por düc i anuzadus dl Südtirol Pass – injuntan la copia o foto sön le cunt dl Südtirol Pass personal.
La cuota anuala pó gní paiada:
- online cun la cherta de credit, tratan le prozes de registraziun o daldo tres le cunt personal dl Südtirol Pass
- tres le Home-Banking pro les banches autorisades
- en contanc pro les portines de venüda dles chertes y di abonamënc dl Trasport integré publich dl Südtirol mostran l’Abo+
- tres n abonamënt bancar (SEPA Direct Debit)
Le Südtirol Pass abo+ é n documënt de iade cun inom, che ne pó nia gní dé inant, che an pó adoré sön düc i mesi dl sistem de Trasport Integré Südtirol, danter chisc les ferates regionales cina al Prener, Vierschiach y Trënt, y sön n valgönes linies dl bus sura i confins provinziai fora.
Por plü informaziuns: http://www.provinzia.bz.it/la/sorvisc-a-z.asp?bnsv_svid=1010500
rc
