5a Trienala Ladina, inauguraziun ai 9 de setëmber
En vëndres ai 09/09 gnarál inauguré tl Museum Ladin la 5a mostra coletiva d’ert Trienala Ladina dal titul “High Five”. Por la stampa incuntada ince dales 16.00.
Hubert Kostner, Gabriele Grones, Vanessa Layher (Nessi), Notta Caflish, Simon Perathoner y Andreas Senoner: chisc é i sis artisć y artistes che presentará sües operes ala Trienala Ladina che döra cina jügn dl 2017. I inoms di sis davagnadus, che á sües raisc te arees desvalies dla cultura ladina, é gnüs chiris fora da indöt 44 candidatöres dades jö da pert de na iuria dl’ert internazionala cun a cé Adam Budak (curadú dla National Gallery de Praga).
La Trienala Ladina 2016 á sciöche fin chël da valorisé y sostigní l’ativité artistica ti raiuns ladins ti pitan l’oportunité ai artisć y ales artistes da se fá conësce a n publich ampl y a esperc dla critica artistica. Por le cuinto iade él le Museum Ladin Ciastel de Tor che mët insciö da jí la „kermesse artistica“ plü aspetada tles valades ladines.
La 5 a Trienala Ladina cun le titul “High Five” gnará inaudada
en vëndres, ai 9 de setëmber dl 2016,
dales 18.00
tla sënta dl Museum Ladin Ciastel de Tor
via Tor 6,
San Martin de Tor.
dal diretur dl Departimënt di Bëgns, Museums, Viabilità y Mobilità Valentino Pagani, dal diretur dl Museum Ladin Stefan Planker, dala curadëssa dla mostra Karin Pernegger y dai artisć y dales artistes.
Incuntada cun la stampa dales 16 cun la curadëssa
Informaziuns: Museum Ladin Ćiastel de Tor, via Tor 65, San Martin de Tor, tel. 0474/524020, www.museumladin.it.
rc
