Dala Junta: candidatöres por le Colegium di revisurs di cunc
La Junta á aprové l’avis publich por la formaziun dla lista di candidac por la nominaziun di revisurs di cunc dla Provinzia.
La lege provinziala de lugio dl 2016 söl bilanz y la contabilité á preodü l’introduziun dla materia che regolamentëia le Colegium di revisurs di cunc dla Provinzia. Al é le pröm iade che al vëgn istituí chësc Colegium sciöche organ de control intern y “al á le compit da controlé la regolarité di cunc, finanziara y economica dla gestiun dla Provinzia”, á splighé le presidënt dla Provinzia Arno Kompatscher. La dorada dl'inciaria dl colegium sará de 3 agn cun 3 comëmbri efetifs y 2 de suplënza, nominá dala Junta provinziala cina ai 31 de dezëmber dl 2016. En atuaziun dla lege á la Junta provinziala aprové incö l’avis publich por la formaziun dla lista di candidac. L’avis regolamentëia les modalités y les dates por fá domanda de iscriziun tla lista, les modalités y l’ajornamënt dla lista y i caji de incompatibilité. La composiziun dl colegium di revisurs di cunc dla Provinzia mëss implü respeté la consistënza di grups de lingaz y la valivanza danter ël y ëra.
rc
