Dala Junta: program Leader, ok al proiet por la Val de Puster
Löm vërda dla Junta provinziala ala strategia de svilup laurada fora dal grup d’aziun local por la Val de Puster tl contest dl program Leader.
Le program Leader é gnü proponü por le pröm iade tl 1991 dal’Uniun europeica y le Südtirol á tut pert bele dala nasciüda dl program. Por ci che reverda la perioda 2014-2020 él gnü definí 6 raiuns Leader tl Südtirol cun l’azes ales prozedöres de sostëgn preodüdes dal’UE: do la Val Venosta, les zones de confin, les Alpes dl Sarenthein, dles Dolomites dla Val d’Isarch y l’Alta Val d’Isarch 2020 á la Junta aprové incö (ai 6 desetëmber) la strategia de svilup elaborada dal grup de aziun local por la Val de Puster.
I raiuns de aziun sará trëi y gnará sostignis tres mosöres spezifiches dl’Uniun europeica cun i fonds dl program de svilup rural. Al se trata dl’inovaziun dl sistem de produziun locala, dantadöt por ci che reverda i seturs dl’agricoltöra, dl artejanat y dla produziun alimentara locala. Atri raiuns é la valorisaziun di bëgns culturai y tradizionai dla Val de Puster y la valorisaziun di raiuns urbans tres la creaziun di sorvisc y integraziuns por la comunité.
„Al se trata de na scomenciadia dër importanta y che vëgn finanziada cun fonds europeics: indöt gnarál sostigní proiec tl contest dl program de svilup rural 2014-2020 por indöt zirca 20 miliuns de euro“, spliga le presidënt dla Provinzia Arno Kompatscher. L’assessur por i ënc locai Arnold Schuler ajuntëia che „propostes sön basa locala é gnüdes a se le dé sön propostes di zitadins y che prevëiga ince la colaboraziun dla popolaziun locala adöm cun les Comunités raionales che se fistidiará dla coordinaziun.“
rc
