Jus dolomitics: Presentaziun de n conzet sostenibl dl trafich ai 10/09
Sön le Ju dl Sela gnarál presenté ai 10 de setëmber n conzet sostenibl dl trafich söi jus dolomitics en presënza di assessurs Mussner, Theiner y Gilmozzi.
Sot al moto „Change Management Weltnaturerbe Dolomiten UNESCO“ gnarál presenté en sabeda, ai 10 de setëmber dl 2016, sön le Ju dl Sela n conzet sostenibl dl trafich por revaluté i jus dolomitics. Al sará presënc: la secreteria generala dla Fondaziun Dolomites Unesco Marcella Morandini, la procuradoura dl Comun General de Fascia Elena Testor, l’ombolt de Sëlva Rolando Demetz, l’ombolt de Cianacei Silvano Parmesani, le diretur dl Departimënt Trasport y Mobilité dla Provinzia de Trënt Raffaele De Col, le diretur de „Val Gardena Marketing“ Günther Pitscheider y i assessurs por la mobilité Florian Mussner, l’assessur por l’ambiënt Richard Theiner y l’assessur trentin Mauro Gilmozzi.
La presentaziun dl conzet de mobilité sostenibla gnará a se le dé
en sabeda, ai 10 de setëmber dl 2016,
dales 11:30
pro la sënta dl Mountain Ressort
söl Ju dl Sela.
Al sará ince la poscibilité da anuté n sorvisc de trasport cun na coriera eletrica dla Firma Solaris dl Consortium LiBUS cun partënza dales 10:45 da Plan de Gralba (plaza da parchené dlungia la furnadoia). Tl contest dl evënt vëgnel ince organisé „Alperia ECOdolomites“ – na roda ecologica sön i jus dles Dolomites cun mesi eletrics.
rc
