Regiun: Val de Fascia, referendum por la fujiun ai 20 de novëmber
La Junta regionala á stabilí la consultaziun por la fujiun di Comuns de Poza, Vich, Mazin y Soraga te un n Comun.
En domënia ai 20 de novëmber dl 2016 gnarál tigní ti cater comuns dla Val de Fascia le referendum consultif por l’istituziun dl Comun de Sèn Jan . Indöt podarál tó pert ala litaziun por dé jö süa usc sön l’unificaziun de sü Comuns indöt 3.690 litadësses y litadus di Comus de Poza, Vich, Mazin y Soraga. Chësta dezijiun é gnüda tuta incö ai 10 d’otober dala Junta regionala che á stabilí la data dla consultaziun referendaria.
Le referendum gnará tigní en domënia ai 20 de novëmber dales 08:00 ales 21:00. Por che le referendum sides varënt él nezesciar che te vigni comun tolés pert almanco le 40 porcënt di litadus y dles litadësses che á le dërt de lita y la fujiun sará poscibla ma sce te vigni comun é les usc por la fujiun la maioranza dles usc dades jö te na manira varënta. I litadus cun residënza foradecá, ince sce ai á le dërt de lita, ne sará nia cumpëda lapró por la determinaziun dl numer di litadus nezesciar por la validité dl referendum. La cumpëda dles schedes litades metará man atira do la stlüta di locai de lita. Düc i resultac gnará publicá sön la plata internet dla Regiun (www.regione.taa.it)
rc
