I tuní che porta tla Val Badia é gnüs sblancoiá
I tuní danter Longega y Flaurënz é gnüs arjigná ca danü cun n corú plü lomiuns por garantí na maiú segurëza y plü visibilité ai autisć.
Cun na picera mosöra de mioramënt é la segurëza di autisć y dles autistes ti tuní dla Val Badia gnüda miorada cotan, spliga le diretur dla Repartiziun Sorvisc strades Philipp Sicher. Tuní plü lominusc smendrësc le risch de inzidënc, deache i auti y les destanzes pó gní reconesciüdes plü debota y damí, dij Sicher. Dantadöt por gaujia dles emisciuns y di restli dl se sön strada ciafa i parëis n corú plü fosch y sciöche preodü dala lege mëss spo i parëis gní arjigná ca cun n corú plü lominus.
Sön inciaria dl Departimënt Viabilité y Mobilité á le Sorvisc Strades dla Provinzia dé sö corú blanch sön les parëis di tuní dla strada dla Val Badia por na lunghëza de 3,7 chilometri. „Indöt él gnü sblancoié le parëi por n’altëza de cater metri cun na spersa totala de indöt 30.000 metri cuadrac“, dij Sicher. I cosć por la sblanciada é de 73.000 euro. La Provinzia investësc atualmënter indöt 410.000 euro por la netëza di parëis di indöt 206 tuní dla Provinzia. „Aladô de nosc arat él na seria de tuní che mëss gní puzená n iade vigni dui agn y d’atri dui iadi al ann“, splige le diretur Sicher.
rc
