Regiun, aprové le bilanz de previjiun 2017
La Junta regionala á aprové le bilanz de avalianza dla finanza publica cun indöt 304 miliuns de euro.
La Junta regionala, cun a cé le presidënt Arno Kompatscher, á aprové incö danmisde ai 11 de novëmber le bilanz de previjiun por i eserzizi finanziars 2017-19. La Regiun á adaté le bilanz al plann di cunc integré y ai fins dla contabilité che reverda la programaziun de bilanz y la contabilité finanziara dl pat de stabilité. Le bilanz de previjiun é insciö indöt de 304 miliuns de euro y por le 2018 y le 2019 sará la cuota de 283,7 miliuns y 281,5 miliuns de euro. Tl documënt de contabilité él ince gnü stabilí les condiziuns por avëi a desposiziun les ressurses finanziares por curí i cosć dl’assunziun dla delega che reverda le personal dla iustizia.
La Junta regionala á ince aprové l’import che reverda la spëisa por le concurs dl’avalianza dla finanzia publica dles Provinzies y che la Regiun paiará sciöche preodü dla lege y dales acordanzes danter Regiun y Provinzies. La Regiun messará insciö curí cosć por 26 miliuns tl 2017 y 2018 y 16 miliuns tl 2019. La Junta regionala á ince tut la dezijiun sön proposta dl’assessuria Violetta Plotegher da renové l’acordanza cun l’Agenzia dles Entrades por le paiamënt di contribuc destiná al Fonds dla ponsiun.
USP
