Politiches soziales: domandes por n contribut antizipé cina ai 15/12
Ënc publics y privac atifs tl sozial pó damané do n contribut cina ai 15 de dezëmber por n contribut antizie dles spëises ordinares.
La Repartiziun provinziala Politiches soziales informëia che ai 15 de dezëmber dl 2016 dales 17:30 toma le termo por presenté domandes por la conzesciun de n contribut antizipé dles spëises ordinares por l’ann 2017 por ënc publics y privac che é atifs tl setur sozial. Fá domanda pó düc i ënc publics y privac che laora tl sozial y che á ciafé n contribut tl 2016 por desfiré ia süa ativités ordinara. Le contribut antizipé pó ester cina le 70 porcënt dl contribut dl ann passé. I documënc por fá domanda é da ciafé sön la plata internet: http://www.provincia.bz.it/famiglia-sociale-comunita/sociale/contributi/contributi-a-enti-pubblici-e-privati-del-settore-sociale.asp.
La domanda mëss gní presentada ai ofizi competënc dla Repartiziun Politiches soziales (strada Gamper 1, a Balsan cun na lëtra racomandada) o tres email cun le PEC a:
Ofize por la sconanza di mëndri y por l’intlujiun soziala: kinderjugendinklusion.minoriinclusione@pec.prov.bz.it
Ofize Seniors: senioren.anziani@pec.prov.bz.it
Ofize Porsones che handicaps: disabilita.behinderung@pec.prov.bz.it.
USP
