La Franzensfest sará le dejimo museum provinzial: presentaziun ai 9/12
La fortëza de Franzensfest sará la sënta dl dejimo museum provinzial. La presentaziun dl plann museal gnará a se le dé en vëndres ai 9 de dezëmber tl fort.
Sciöche anunzié bele d’isté dal presidënt Arno Kompatscher sará la fortëza de Franzensfest le dejimo museum dla Provinzia. N grup de laur á elaboré fora n plann de svilup che á danter l’ater sciöche ispiraziun le conzet dl Südtirol sciöche raiun de confin. Na pröma mudaziun sará che dal 1 de jená dl 2017 jará la gestiun dl fort pro l’Aziënda Museums provinziai.
Tratan la conferënza stampa, che gnará a se le dé
en vëndres ai 9 de dezëmber
dales 10:00
tla fortëza de Franzensfest
presentará le presidënt dla Provinzia Arno Kompatscher, adöm ai assessurs Florian Mussner y Philipp Achammer la scomenciadia dla Provinzia. Al sará ince presënc le diretur dl Departimënt Laurs publics Paolo Montagner y la direturia dla Repartiziun Museums y dl’Aziënda Museums provinziai Karin Dalla Torre che rajonará dles oportunités y di investimënc.
USP
