Conferënza sön Franz Joseph I. y la monarchia di Habsburg (07 de dez.)
La scomenciadia vëgn organisada dala Biblioteca Teßmann de Balsan en colaboraziun cun l’Academia austriaca dles Sciënzes de Viena.
“L’imparadú etern? Franz Joseph I. y le recort dla monarchia di Habsburg” sará la tematica prinziala de n’incuntada chegnará a se le dé
en mercui ai 7 de dezëmber
dales 20:00
tla sënta dla Biblioteca Teßmann,
strada Diaz 8
a Balsan.
Ai 21 de novëmber dl 2016 él sté le 100ejim aniversar dla mort dl imperadú Franz Joseph I. (1830-1916). Por chësta rajun organisëia la Biblioteca provinziala Dr. Friedrich Teßman adöm cun l'Academia Austriaca dles Sciënzes a Viena na sëra de referac storica. Sot la moderaziun de Brigitte Mazohl baia Ernst Bruckmüller y Hans Petschar sön le tema dl "imperadú etern“, che á fat scomencé la fin dla monarchia di Habsburg cun süa mort amesa la pröma vera mondiala; so mit indere vir inant cina aldedaincö.
Referat: L'ultim monarch dla vedla scora. L'imperadú Franz Joseph tl cheder de so monn contemporan y dla generaziun che é gnüda do
Univ.-Prof. i. R. Dr. Ernst Bruckmüller, Academia Austriaca dles Sciënzes, Viena Institut por l'Inrescida de storia contemporana y moderna
En ocajiun dl 100ejim aniversar dla mort de chël monarch che á governé 68 agn alalungia la monarchia di Habsburg se damanon sciöche l'imperadú gnô odü canche al viô y sciöche al é gnü odü dales generaziuns do. Le problem comples pó gní descrit cun chësta frasa: La monarchia di Habsburger ê destinada bonamënter a jí dojöcun l'imperadú Franz Joseph – mo zënza d'ël ciamó deplü.
Referat: L'imperadú etern. Franz Joseph I. y le recort dla monarchia di Habsburg
Dr. Hans Petschar, diretur dl Archif de imajes y dla racoiüda de grafics, Biblioteca Nazionala Austriaca, Viena
Sciöche degun ater imperadú á Franz Joseph rapresenté le monn dla vedla Europa y dla vedla Austria. L'imperadú che á regné por passa 50 agn é deventé la figöra simbolica dl imper multi-etnich di Habsburg. Süa mort amesa la pröma vera mondiala y la prozesciun le de dla sopoltöra tuta sö dai media de döt le monn é deventades le sëgn tler dla fin de n'epoca.En ocajiun dl 100ejim ann de süa mort lascia odëi na mostra tla Biblioteca Nazionala Austriaca sciöche l'imaja dl imperadú etern ê bele gnüda condizionada canche al viô ciamó. Le referat mostra sö cun ogec esclusifs fora dla biblioteca privata dl imperadú le significat y la valutaziun storica dl imperadú Franz Joseph I. y le recort ala monarchia di Habsburg.
Moderaziun: em. o. Univ.-Prof. Dr. Brigitte Mazohl, Presidënta dla classa filosofich-storica dla Academia Austriaca dles Sciënzes, Viena
USP
Galaria dales fotografies
