Festa por la fin dl ann tl Museum Ladin (30/12)
Ai 30 de dezëmber gnarál metü da jí tl Ciastel de Tor a San Martin la festa tradizionala por la fin dl ann. Orars aposta dl Museum.
Ince chësc ann él sön le program dl Musem Ladin Ćiastel de Tor a San Martin la festa tradizionala por la fin dl ann che vëgn metüda da jí ai 30 de dezëmber en colaboraziun cun l’Assoziaziun turistica da San Martin y l’Uniun dl Sport da San Martin. Tratan la serada él preodü l’ingres debann al Museum (dales 21 ales 23:30) y n valgönes ores de aorela cörta cun n proieziuns artistiches de dessëgns de Nadia Ischia che reverda les liëndes ladines. La festa vëgn abelida cun musica dal ví cun Max Castlunger & friends, vin cöt y checs tla curt interna dl Ćiastel y daldô tl foyer dl Museum. Un di punc culminënc dla festa sará la chentlada jö por la pista da “Picolin” a San Martin y i füc d’artifize por festejé deboriada la fin dl ann 2015. Al sará ince a desposiziun di ghesć n sorvisc de trasport debann da Picolin (ostaria Posta) al Museum Ladin San Martin de Tor, cun architades sön la plaza dla (ex) fossenara jö Pradel y tl zënter dl paîsc (ostaria Dasser).
Cina al 9 de jená dl 2017 sará i orars de daurida di dui museums a San Martin y San Ciascian düc i dis dales 15:00 ales 19:00, spo dai 12 de jená cina Pasca romagn i museums daverc jöbia, vëndres y sabeda tres dales 15.00 ales 19.00.
De plü informaziuns: Museum Ladin Ćiastel de Tor, strada Tor 65, San Martin, tel. 0474 524020, www.museumladin.it.
USP
