Mënaturisć y acompagnadú turistich: iscriziuns ai ejams
La Provinzia porta dant danü i ejams de abilitaziun ales profesciuns de mënaturisć y acompagnadú turistich. Iscriziuns cina ai 28 de forá 2017.
L’Area funzionala dl turism dla Provinzia organisëia danü i ejams por les profesciuns de mënaturisć y de acompagnadú turistich. Les porsones interessades mëss se scrí ite al’ejame cina ai 28 de forá dl 2017. L’ativité de mënaturisć reverda l’acompagnamënt di ghesć tratan les vijites ti museums, a operes d’ert, söi percursć turistics, mostran sö les carateristiches storiches, artistiches, dl paesaje y naturales. L’acompagnadú turistisch indere á le compit da jí para cun les porsones pro i iadi tla Talia o ince foradecá y organisëia l’atuaziun di programs dl iade. L’acompagnadú turistich conësc ince i raiuns che vëgn vijitá y ti pita ai ghesć informaziuns de basa dles atraziuns.
Plü informaziuns sön la forma dl’ejame y sön l’iscriziun é desponibles sön la plata internet dla Provinzia sot ala misciun http://www.provincia.bz.it/turismo-mobilita/turismo/professioni-turistiche.asp, o ince al numer dl telefon 0471 413631 - 413632.
usp
