Ejams de bilinguism: ai 26 de jená evënt d’informaziun cun simulaziuns
Apuntamënt nü ai 26 de jená a Balsan por ciafé informaziuns y simulaziuns por candidac che ó s’arjigné ca al ejame de bilinguism.
Al é confermé por en jöbia ai 26 de jená le pröm apuntamënt dl 2017 cun Compact Info, i evënc d’informaziun organisá cater iadi al ann dal Sorvisc Ejams de bi- y trilinguism dla Provinzia tratan chël che i candidac pó s’informé sön la forma d’ejame. L’evënt gnará metü da jí a Balsan tla sënta dl Sorvisc provinzial tla strada via Perathoner (secunda alzada) dales 08:30 ales 12:30 por i liví C y D, dales 13:30 ales 16:30 por i liví A y B. La manifestaziun reverda de plü perts: la presentaziun di ejams de bilinguism (strotöra di ejmas), simulaziuns dl ejam a usc cun n feedback dla comisciun y informaziuns por la conversaziun y l’imparé.
Al é nezesciar da se prenoté sot a: www.provincia.bz.it/formazione-lingue/bilinguismo/events.asp. Por plü informaziuns él a desposiziun Karin Ranzi, coordinadëssa dl Sorvisc ejams de bilinguism.
usp
