Strada por La Val, aprové l'ampliamënt
La Junta provinziala á aprové les carateristiches tecniches dl ampliamënt dla strada provinziala da La Val.
La strada provinziala che condüj a La Val gnará ampliada sön na trassa de zirca n chilometer, “döt chësc – dij l’assessur Florian Mussner – por garantí la
segurëza che vá debojëgn por döta la jënt sön strada”. Al momënt ne sciafia nia n bus da s’incunté cun n auto ajache la ota é massa strënta, mo les cosses se mudará tosc por mirit dla deliberaziun aprovada incö (31 de jená) dala Junta provinziala, olache al é gnü aprové les carateristiches tecniches dl’opera. Por l'intervënt él preodü n investimënt de feter 2 miliuns de euro.
usp
Galaria dales fotografies
Les otes plü strëntes gnará ampliades por conzede che n bus y n auto s’incuntes (Foto USP)
Les otes plü strëntes gnará ampliades por conzede che n bus y n auto s’incuntes (Foto USP)
