Ok dla junta provinziala al plan de destribuziun dles scores ladines
La junta provinziala á aprové cina l’ann de scora 2021/22 la destribuziun dles scores dles valades ladines sön cater direziun.
Por garantí na converjiun efiziënta dl‘Autonomia dles scores y por ti dé dialaungia stabilité, á la junta provinziala stabilí criters avisa por mëte sö les direziuns. Te chisc stál scrit che la grandëza otimala dl ascora é danter 500 y 900 scolars (cun na grandëza minimala cina 300 scolars) y che les direziuns dess gní partiteds sö sön döt le raiun, por ti garanti ince a scolars te de ries condiziuns geografiches o te situaziuns linguistiches speziales le dërt de formaziun.
Sön la basa de chisc criters á la junta provinziala tut la dezijiun, ai 27 de merz, da arlungé les cater direziuns dla scora elementara y mesana dles valades ladines por i proscimi cin agn de scora, chël ó dí cina dl 2021/22. „Nosc fin é da öna na pert chël da cherié por i scolars condiziuns otimales por le svilup de sües competënzes d’aprendimënt y soziales y dal’atra pert da ti dé ales scores la stabilité de planificaziun che vá debojëgn“, dij l’assessur ladin Florian Mussner. Dles cater direziuns dla scora elementara y mesana nen él döes te Gherdëna (Urtijëi cun 602 scolars y Sëlva cun 342 scolars) y döes tla Val badia (Badia cun 555 scolars y Al Plan/S.Martin cun 441 scolars).
USP
