Presenté le codejel nü söi diesc Museums provinziai
Na brosciüra nöia che tematisëia por le pröm iade düc i diesc Museums provinziai é gnüda presentada incö al Museum dles Sciënzes naturales.
I museums dla Provinzia de Balsan, manajá dal’Aziënda Museums provinziai, é indöt diesc despartis sön indöt 16 sëntes sön döt le teritore provinzial. Na brosciüra nöia presentëia avisa düc i diesc museums provinziai cun informaziuns avisa sön les sëntes, na descriziun generala dla misciun di museums y i orars de daurida. Implü él ince da ciafé n valgönes informaziuns sön i apuntamënc, proiec y les scomenciadies por le 2017.
Le codejel nü é gnü presenté incö ai 10 de aurí te na conferënza stampa tl Museum dles Sciënzes Naturales dl Südtirol dal diretur de Departimënt Valentino Pagani, dala direturia ai museums provinziai Karin Dalla Torre y dales direturies y dai direturs di museums provinziai adöm ala responsabla dl proiet Ute Duregger. I museums de proprieté dla Provinzia orientëia süa misciun ales diretives dl Consëi internazional di museums (ICOM). De conseguënza él poscibl dai definí na fontana importanta por la cultura, la formaziun y l’archirida y che pita na panormica sön la storia culturala, l’ert, la natöra y la tecnica. „Por garantí la funzionalité autonoma di Museums sun tl lauré fora cun le dessëgn de lege provinzial na basa iuridica nöia che é ince la fondamënta dl’autonoma südtiroleja“, sotlignëia l’assessur provinzial ai museums Florian Mussner. La direturia di museums provinzai Karin Dalla Torre recorda ince l’importanza de n pice codejel por presenté „les ativités de racoiüda y de conservaziun di bëgns culturai materiai y imateriai ti museums“.
Le codejel nü é desponibl debann te düc i Museums provinziai, te de plü istituziuns publiches y tles assoziaziuns turistiches. An pó desciarié jö le codejel dala plata internet: http://www.musei-altoadige.it/it/763.asp.
USP
