Arcunciada debann dles rodes, sorvisc a San Martin y La Val
L’Agenzia por l’Ambiënt, en colaboraziun cun la cooperativa soziala Novum, pita n sorvisc de arcunciada dles rodes debann te 16 Comuns..
I arferadus dla roda ne funzionëia nia plü bun? O magari ne é les löms o la brunzina nia plü al cënt? Degun problem por l’Agenzia provinziala por l’ambiënt y la cooperativa soziala Novum. Te 16 Comuns de döt Südtirol gnarál metü a desposiziun n sorivsc debann por i zitadins da controlé y cuncé les rodes, cun la pröma tapa che é bele stada ti ultims dis a Kaltern. „La manutenziun y la reparaziun dles rodes – comentëia le diretur dl’Ofize Gestiun refodam, Giulio Angelucci – rapresentëia n’alternativa ecologicamënter sostenibla tl confrunt dla cumpra de na roda nöia. Datrai bastel ince ma na picera mosöra de reparaziun por tigní en vita les rodes y insciö ne messëi nia dé fora ressurses finanziares por na roda nöia che portass ince a deplü refodam.“
Chëstes é les dates y i posć, olache al gnará pité le sorvisc de reparaziun debann: Funes (ai 20 ad’aurí, dales 12 ales 16), Gargazzone (ai 9 de ma, , dales 12 ales 16), San Pancrazio (ai 16 de ma, dales 11 ales 15), Fortëza (ai 23 de ma, dales 10 ales 14), Casies (al 1 de jügn), Velturno (ai 8 de jügn, dales 9 ales 13), Laces (ai 13 de jügn, dales 9.30 ales 13.30), Tubre (ai 15 de jügn, dales 10.30 ales 14.30), San Martin de Badia (ai 20 de jügn, dales 11 ales 15), Braies (ai 27 de jügn, dales 10 ales 15), Sest tla Val de Puster ( ai 18 de messé, dales 10 ales 14), Martell (ai 13 de setëmber, dales 11.3 ales 15.30), Lana (ai 18 de setëmber, dales 13 ales16.30), San Leonardo in Passiria ( ai 21 de setëmber) y a La Val (data ciamó da definí).
Al é ince poscibl da desciarié links cun imajes y intervistes audio.
Imajes bercstot dl'Agenzia por l'ambiënt
Intervista Laura Bonin (Novum)
Interviste audio Berger, Atz, Boni , Fink
USP
