Runcadic: plü lominosa y sigüda la galaria stradala „Gugenoi“
Tla galaria Gugenoi a Runcadic él gnü istalé n implant d’ilominaziun nü cun löms Led. Lominosité otimala y sparagn pro le consum d’energia.
Le Sorvisc Strades dla Provinzia laora tresfora cun intervënc de mioramënt dles 206 galaries sön les rëis stradales provinziala y statala de süa competënza. Un di laurs plü atuai é sté le ressanamënt dla galaria “Gugenoi” sön la strada provinziala che porta da Runcadic a Ciastel.
L’inciaria dl proiet ti é gnü surandada al’impresa Elektro Lorenz Gibitz de Neva Tudëscia/Deutschnofen che á istalé n implant de ilominaziun nü cun löms Led. L’investimënt é sté de zirca 120mile euro. Na pert di parëis di tuní é ince gnüda sblancoiada por aumenté la visibilité tles galaries. Na novité é ince che cun l’istalaziun de n sistem cun aparac de relevamënt él poscibl da ilominé la galaria aladô dla nezescité sparagnan insciö energia. Implü él ince gnü posizioné löms led diretamënter sön les perts dla strada. La coordinaziun di laurs ti é gnüda surandada al injenier Alessandro Lunelli dl Sorvisc Strades.
Cun chisc pici intervënc, á sotligné l’assessur provinzial por les rëis stradales Florian Mussner, él poscibl da mioré te na manira costanta la segurëza sön strada por autisć y autistes. Galaries plü lominoses smendrësc le prigo de inzidënc ti tuní ince deache al é insciö plü saurí da reconësce veicui che vëgn adincuntra.
USP
Galaria dales fotografies
