Ju de Furcia: i mürs de sostëgn dla strada vëgn renforzá
Cun le ressanamënt di mürs de sostëgn dla strada vëgnel metü a post de plü trates stradales che porta söl Ju de Furcia tl Comun de Mareo.
Te de plü trates é i mürs de proteziun dla strada provinziala 43 che porta söl Ju de Furcia y che se desfej bel plan. Implü él ince dui mürs tla zona dla localité Curt dlungia La Plí de Mareo che mëss gní renforzá. La Repartiziun Infrastrotöres fajará de conseguënza de plü intervënc de mioraziun por ressané i mürs. I laurs prinzipai sará da stabilisé i mürs cun petun y mosöres aposta. Por le ressanamënt di mürs él preodü n investimënt de indöt 742.000 euro. Cun chisc pici intervënc, á sotligné l’assessur provinzial por les rëis stradales Florian Mussner, él poscibl da mioré te na manira costanta la segurëza sön strada por autisć y autistes.
USP
