Kompatscher a Viena: autonomia, economia, archirida
Sön invit dl Minister Kurz sará le presidënt Kompatscher indoman (31 de ma) a Viena por tó pert a na incuntada söl svilup dl’autonomia.
Iade a Viena pro le presidënt dla Provinzia Arno Kompatscher. Indoman domisdé, en mercui ai 31 de ma, sará le presidënt Kompatscher a na incuntada publica sön l’autonomia südtiroleja en ocajiun di 25 agn dal apajamënt che á stlüt jö le stritoz danter Austria y Talia dan l’ONU. Tratan l’incuntada gnarál a se le dé na debatüda sön la situaziun atuala y les poscibilités de svilup dl’autonomia danter le presidënt Kompatscher, le Minister por i afars cun l'ester austriach Sebastian Kurz, le presidënt dla comisciun parlamentara söl Südtirol da denant Andreas Khol y le senatur Francesco Palermo. Le jornalist da Balsan dl ORF, Andreas Pfeifer, fajará le moderadú.
Implü él ince sön le poragm ince n’incuntada de Kompatscher adöm cun l’assessur por la cultura Philipp Achammer cun le Minister dl’archirida nü, Harald Mahrer. Al 1 de jügn gnarál a se le dé na debatüda adöm cun i media tl club por la stampa austriach. En contlujiun dla vijita a Viena él ince preodü la partezipaziun ala fiera Pioneers 2017 che trata dl monn high tech y che sará tla Hofburg a Viena, la sënta dla Presidënza dla Republica d’Austria.
USP
