Parch Trëi Pizes de Lavarëi, mostra sön la ferata dles Dolomites
Döes mostres é davertes cina la fin d’otober tla Ciasa vijites dl Parch natural Trëi Pizes de Lavarëi: öna é dedicada ala ferata dles Dolomites, l’atra ala olp.
N percurs lunch 65 chilometri danter Toblach, Ampëz y Cialàuž de Cadore, fat sö tratan la pröma vera mondiala por porté material sön le frunt: chësta ê la trassa dla ferata dles Dolomites che ê entrada en funziun tl 1920 cun locomotives a tanf, baratades fora spo tl 1929 do l’eletrificaziun dla linia. L’ultimo iade che la ferata dles Dolomites á fat chësc percurs é sté ai 17 de ma tl 1964. Dötaurela vëgn le percurs storich dla ferata adoré por le paslunch d’invern y por les escursciuns a pé o cun la roda tratan l’isté.
Propi ala ferata dles Dolomites ti él dediché na mostra particolara che sará daverta cina la fin d’otober dla Ciasa vijites dl Parch natural Trëi Pizes de Lavarëi tl Grand Hotel de Toblach: da odëi sarál 9 imajes storiches y n pice model dla staziun feroviara dl paisc Ospedal de Cadore. Al restará daverta ince cina la fin d’otober la mostra speziala sön les olps.
La Ciasa vijites dl Parch natural Trëi Pizes de Lavarëi é daverta da en mertesc cina en sabeda, dales 09:30 ales 12:30 y dales 14:30 ales 18:30. Les domënies de messé y agost sará la Ciasa vijites daverta ince la domënia y implü ince la jöbia da sëra dales 18 ales 22. Por informaziuns plü monüdes tliché chiló.
USP
