Comunicaziun d’oblianza por les slackline sura i 15 metri
La presënza de slackline a n’altëza de sura 15 metri da tera mëss gní comunicada ala Repartiziun Bosć.
Le sport da balanzé sön les slackline é danter i sportifs tres deplü te moda a altëzes tres plü altes ince sö por munt y de conseguënza él la Repartiziun Bosć che comunichëia che düc chi che fej chësta sport cun na slackline istalada sura i 15 metri da tera mëss le comuniché ala Repartiziun Bosć tlican sön chësc link. Les normes prevëiga che les slackline, che é cordes che vëgn trates danter dui punc y sön chëres che i sportifs balanzëia da na pert al’atra, pois ester n “impedimënt ai jori” y porchël él nezesciar da comuniché la presënza dles cordes ala Repartiziun Bosć. Tl Südtirol él atualmënter 2500 impedimënc “linears” ala navigaziun tl’aria, danter l’ater ince teleferiches.
La gran pert dles slackline ne é insciö degun pericul, mo por chëres che vëgn istalades sura i 15 metri d’altëza messël gní fat la comunicaziun d’oblianza. Sön la basa dles comunicaziuns gnarál ajorné de por de la cherta digitala di impedimënc tl’aria tl Südtirol y che vëgn consultada regolarmënter dai piloc.
USP
