Dala Junta: de plü personal por le numer de emergënza nü 112
Fasa contlusiva denant che al vais en forza le Numer unich europeich d’emergëza 112 tl Südtirol. Incö él la Junta che á confermé l’aumënt de personal.
Tl Südtirol eson tl laur da atué le funzionamënt dl Numer unich europeich d’emergënza 112. Te caji d’emergënza él insciö le zitadin che messará telefoné al 112 por contaté la Zentrala de emergënta che, aladô dl’emergënza, menará inant la cherdada ales zentrales operatives de secundo livel: Carabinieri, Polizia, Stödafüch y Pröm aiüt. Aladô dles prömes sciazades él preodü che cun le numer unich sarál le numer dles cherdades che gnará maiú cun n aumënt da atulmënter 150mile a 300mile telefonades, á recordé le presidënt Arno Kompatscher. Por ti respogne a na manira adatada a chësc aumënt gnarál te na pröma fasa metü a desposiziun personal nü che ará l’inciaria da mené inant les cherdades al'istituziun competënta.
Incö ai 27 de jügn á la Junta provinziala aprové sön proposta dl’assessuria Martha Stocker l’aumënt de personal dla Zentrala d’emergënza. Le potenziamënt dl organich é nezesciar y ne pó nia gní sposté, insciö él gnü tut la dezijiun da deroghé la proporzionala linguistica por garantí la curida di posć, porvia dla mancianza de candidac de lingaz ladin. Dles 15 assunziuns preodüdes nen él cun la delibera da incö gnü curides 13, de chëstes 7 candidac de lingaz todësch, 5 de lingaz talian y un de lingaz ladin.
USP
