Dala Junta: bilanz dl elisocurs, feter 3mile intervënc tl 2016
La Junta provinziala á aprové le cunt consultif 2016 y le bilanz de previjiun 2017 dl Sorvisc elisocurs provinzial. Prësc 3mile intervënc l’ann passé.
Le Sorvisc dl elisocurs provinzial á registré tl 2016 n aumënt di intervënc dl 3,21 porcënt y che fej fora dötadöm n investimënt de 8,061 miliuns de euro. Al se trata de n import brutto che calcolan al netto ince les cuotes paiades dai utënc y dales assiguraziuns fej fora por la Provinzia na spëisa de zirca 4 miliuns de euro. Le finanziamënt por le 2017 che la Provinzia ti garantësc al’assoziaziun “HELI Flugrettung Südtirol – Elisoccorso Alto Adige", inciariada da assiguré le sorvisc, é de 8,312 miliuns de euro. Le finanziamënt consultif y chël preventif é gnüs aprová ai 27 de jügn dala Junta provinziala sön proposta dl’assessuria Martha Stocker. Al ne é nia preodü te chëstes somes n sorvisc eventual de jori de nöt. Siöche valur mesan él le sorvisc dl elisocurs tl Südtrirol che fej 8 intervënc al de (309 menüc por jore).
“Le sorvisc de elisocurs funzionëia dër bun cun atrezadöres aposta y cosć sciadli plü basc en confrunt cun atri raiuns tles vijinanzes”, á dit le presidënt Kompatscher. Atualmënter vëgn le sorvisc garantí da dui Pelikan dl’assoziaziun HELI adöm a n terzo joler dl Aiüt Alpin Dolomites. Le sorvisc sajonal dl Aiüt Alpin Dolomites vëgn manajé dal’Aziënda sanitara provinziala che se crüzia ince dla rendicontaziun dles spëises.
USP
