Strada provinziala stlüta danter Urtijëi y Ciastel – Laurs de segurëza
La strada danter Urtijëi y Runcadic é sarada por dui dis alalungia. Al vëgn fat sö n bacin por tigní sö le material.
Da en lönesc da doman incër les 6 incá ne pón nia plü passé sön la strada provinziala (LS64) ajache te n toch de plü de cënc de metri él gnü jö de plü pices roes sura le paisc de Runcadic. I colaboradus dl Sorvisc strades á saré le post prigorus por le trafich y tëgn sot control i posć olache al é gnü jö le material deboriada cun i geologs.
„Por daurí plü debota che ara vá indô la strada olache al passa cotan de auti tratan la sajun turistica ál metü man i laurs por la costruziun de n bacin por tigní sö le material ti posć neuralgics" dij Valter Molon, diretur dl Sorvisc strades Salten Scilier. Dötaurela éson naota tl laur da tó y jí la tera y les peres che é sön strada. Tratan i laurs vëgn la strada stlüta al trafich por rajuns de segurëza. „I aratun che i podunse bonamënter indô daurí la strada por le trafich te dui dis“, dij Molon. Le trafich vëgn desvié tres Pruca.
USP
