18 d'agost: Referat sön le plü gran ander dolomitich a San Ciascian
La scoverta dl ander “Cenote”, che fej pert dla seria de andri de Conturines, é la tematica de n referat tl Museum Ladin cun Francesco Sauro.
Le Time Magazine á definí l’espert de andri Francesco Sauro sciöche un di diesc “next generation leaders”, i jogn che podess mudé cun sües capazités y competënzes le monn. Le speleologh de fama internazionala á esploré le munts de Lessini y dles Dolomites y á fat ince na seria de spediziuns tl America dl Sud y dl’Asia zentrala. Por la scoverta de andri antics tles munts dl Venezuela á Francesco Sauro ciafé le Rolex Award for Enterprise, implü él ince consulënt dl’Agenzia spaziala europeica por la formaziun de astronauc. En vëndres ai 18 d’agost sará Sauro tla ciasa dla cultura J.B.Rinna a San Ciascian por presenté la scoverta dl ander plü gran dles Dolomites dales 21.15 inant. Le ander de Cenote é gnü descurí tl 1994 tl Parch natural Fanes-Senes-Braies. Le referat vëgn organisé dal Museum Ladin tl contest dla mostra “Le monn misterius di andri dles Dolomites”. L’entrada ala scomenciadia cun Sauro é debann.
Informaziuns:
Museum Ladin Ursus ladinicus, strada Micurà de Rü 26, San Ciascian
Tel. 0474 524020 - www.museumladin.it
USP
