Museum Ladin: Descurí les erbes aromatiches dles Dolomites
Vigni vëndres cina ai 6 d’otober organisëia le Museum Ladin n’introduziun al’adoranza de erbes da munt aromatiches en combinaziun cun na vijita al museum.
N domisdé dediché ala descurida de erbes da munt aromatiches dles Dolomites: chësta é la proposta dl Museum Ladin Ciastel de Tor en colaboraziun cun l’assoziaziun turistica da San Martin de Badia. Vigni vëndres dai 8 de setëmber ai 6 de otober gnarál insciö metü da jí dales 14.00 innat tla curt interna de Ciastel de Tor n’introduziun ala tematica cun n’esperta dl setur. Daldô gnarál organisé na vijita al museum che reverda la storia, la cultura, l’archeologia y la geologia dles valades ladines y dla popolaziun. La scomenciadia se röia spo dales 17.00
Por de plü informaziuns y por les iscriziuns prëibel contaté l’Assoziaziun turistica e Al Plan y San Martin al numer 0474 523175.
USP
