Inauguraziun ann scolastich nü: Delegaziun de scolars ladins a Taranto
Na delegaziun de scolars y scolares dles scores altes da La Ila á tut pert al'inauguraziun ofiziala dl ann scolastich 2017/18 a Taranto tla Puglia.
Podëi tó pert ala manifestaziun de inauguraziun ofiziala dl ann scolastich 2017/18 en rapresentanza dl grup linguistich ladin: chësta espriënza plajora á podü fá 4 scolars y scolares dl Zënter dles scores altes da La Ila che á tut pert, adöm al intendënt por les scores ladines Roland Verra y al professur Carlo Suani ala inauguraziun ofiziala dl ann scolastich 2017/28 inier ai 18 de setëmber a Taranto tla Puglia y che é gnüda trasmetüda en direta sön la televijiun publica RAI 1. Al se trata de Lukas Castlunger, Milena Callegari, Silvia Pizzinini y Aaron Planatscher.
"Al é dër positif che al ê rapresenté düc i trëi i grups linguistics y i arati che al sides na esperiënza particolara por i scolars y les scolares ince ascuté sö les esperiënzes de scores cun dificoltés de vigni sort, da chëres ti raiuns olache al é sté le tromoroz a chëres te n contest de problematiches a livel sozial. Le confrunt cun situaziuns desvalies da döta la Talia y les parores da pert dl Presidënt dla Republica Sergio Mattarella y dla Ministra por l'Istruziun Valeria Fedeli é dessigü stá n arichimënt important", á dit l'intendënt dles scores ladines Roland Verra. I punc culminanc dla manifestaziun é dessigü stá i messaji de salüd da pert dl Presidënt dla Republica Sergio Mattarella y dla ministra por l'istruziun Valeria Fedeli. De plü é ince stá i proiec y les scomenciadies presentes sön paladina por l'ocajiun.
USP
