Dolomites UNESCO, concurs fotografich DoloMystic
Danter les scomenciadies de DolomitArt él ince n concurs fotografich y le pest spezial dla Fondaziun Unesco DoloMystic.
DolomitArt é n proiet che á le fin da sotligné les particolarités esistenziales, culturales, emozionales y spirituales dl liam danter la porsona y les munts. De conseguënza vëgnel metü da jí de plü scomenciadies por colié la creativité ala proteziun dl ambiënt y ala manira de vira alpina cun n’atenziun particolara al’area dles Dolomites patrimone mondial Unesco. Inann é les tematiches prinzipales les liëndes y la magia dles munts. Öna dles scomenciadies é ince n concurs fotografich che vëgn organisé dal Comitê por l’istruziun de Toblach adöm ala biblioteca “Hans Glauber” y al Parch natural Trëi Pizes de Lavarëi. An pó dé jö les operes ciamó cina ai 30 de setëmber dl 2017.
Le proiet vëgn sostigní dala Fondaziun Dolomites UNESCO che á ince istituí le Pest spezial “Dolomites Patrimone Mondial UNESCO – DolomitArt DoloMystic” che ti gnará surandé al artist dl’oepra fotografica che documentëia y ilustrëia te na manira originala la cosciënza dles comunités di valurs universals reconesciüs da UNESCO. L’assegnaziun dl pest gnará fata da na iuria de esperc d’ert y de fotografia. Le pest spezial á na dotaziun de 500 euro. La premiaziun sará ai 4 de novëmber tla biblioteca Hans Glauber a Toblach.
Por informaziuns plü monüdes: www.dolomitart.com
USP
Galaria dales fotografies
