70 agn acordanza de Paris, ai 19 d’otober liber nü y discusciun
La presentaziun de n liber y na debatüda: ai 19 d’otober gnarál recordé a Balsan le 70ejimo aniversar dl’Acordanza de Paris.
70 agn acordanza de Paris – fac, conseguënzes, domandes: chësc é le titul dla manifestaziun programada a Palaz Widmann ai 19 d’otober. Tratan le danmisdé ne él nia ma preodü la presentaziun dl liber dla storica Eva Pfanzelter dediché al momënt de fondaziun dl’autonomia südtiroleja, mo al é ince sön le program na discusciun publica adöm cun Daria de Pretis, vicara dla Curt Costituzionala (L’acordanza de Paris tla iurisprudënza dla Curt Costituzionala) y cun Walter Obwexer dl’Université de Desproch (25 agn de apajamënt dl strit: l’impat sön l’acordanza de Paris). La manifestaziun gnará inaugurada dal presidënt dla Provinzia de Balsan, Arno Kompatscher y dal retur dl’Université de Desproch, Tilmann Märk,
en jöbia, ai 19 d’otober dl 2017
dales 10
tla curt interna de Palaz Widmann
plaza Silvius Magnago 1
a Balsan.
USP
