#dolomitesvives: Resultac dl monitoring gnará presentá ai 24 d’otober
I assessurs Mussner, Theiner, Gilmozzi y l’espert dla Eurac Vanzi presentará ai 24 d’otober i resultac dl monitoring sön la stlüta dl Ju dl Sela tratan l'isté.
Vigni mercui di mëisc de messé y agost dl 2017 é le Ju dl Sela sté davert ma por la mobilité sostenibla zënza emisciuns aladô dl proiet #dolomitesvives. Les strades ê ma davertes por veicui a strom, rodes y porsones che vá a pe. Vigni mercui á albü na tematica spezifica por garantí de plü atrativité ales manifestaziuns söl Ju dl Sela.
Por monitoré ci conseguënzes che la stlüta dla strada á albü por i ghesć, por la jënt dl post y por l’economia di gesturs y dles aziëndes él gnü fat dala Academia europeana da Balsan EURAC n stüde cualitatif. Implü él ince gnü analisé dac dl’aria.
I assessur por la mobilité y l’ambiënt de Balsan y Trënt, Florian Mussner, Richard Theiner y Mauro Gilmozzi presentará adöm al espert y suranstat dl grup de laur dl EURAC Gerhard Vanzi i resultac dl monitoring
en mercui, ai 24 d’otober dl 2017
dales 17:15
tl salf stampa
a Balsan,
plaza Silvius Magnago 1.
USP
