EuregioFamilyPass: Vantaji tl’Euregio – Cherta de trasport tl Südtirol
Le EuregioFamilyPass vel tl Südtirol, tl Trentin y tl Tirol sciöche cherta cun vantaji te botëghes y istituziuns – sciöche cherta de iade velel ma tl Südtirol.
“Sciöche cherta por le trasport de porsones vel le EuregioFamilyPass por le momënt ma tl sistem de trasport local dl Südtirol, y al pó ma gní anuzé dal possessur dla cherta por chësc fin”, sotlignëia Günther Burger, diretur dla Repartiziun Mobilité. “Les tecnologies desfarëntes di sistems da timbré, les politiches de cost desvalies y i sistems dla rendicontaziun desfarënc é les rajuns prinzipales ciudiche al ne é nia ciamó poscibl da anuzé le EuregioFamilyPass te döta l’Euregio por la mobilité publica”, spliga Günther Burger. L’obietif resta chël da orëi amplié l’oferta dl sistem de trasport publich sides tla provinzia co ince tl’Euregio dantadöt ince por ci che reverda les cooperaziuns pro i abonamënc y i sistems di dac, dij le diretur de Repartiziun.
L’EuregioFamilyPass é gnü a se le dé tl isté dl 2016 te döt le Südtirol y la cherta á döes funziuns: da öna na pert garantësc le EuregioFamilyPass alisiraziuns te botëghes y istituziuns y dal’atra pert pón ince adoré la cherta tl Südtirol sciöche cherta por le trasport publich. Indöt él dötaurela 45.000 porsones che s’anüza dl EuregioFamilyPass. Düc chi che á chësta cherta pó la anuzé tl sistem de trasport local cun tarifes plü basses: tles ferates regionales dl Südtirol cina Trënt, Desproch y Lienz (sön les trasses austriaches paian le cost preodü dal‘ÖBB), dötes les corieres urbanes y locales dl trasport publich integré, les furnadoies de Ritten, Jenesien, Kohlern, Meransen, Mölten y Vöran, sciöche ince la furnadoia che porta sön la Mendel y la ferata sön le Ritten.
Por informaziuns plü monüdes sön l'EuregioFamilyPass pón vijité la plta internet www.provinz.bz.it/familypass .
USP
