Pinocchio ince por ladin: Presentaziun dl liber nü
Le roman conesciü de Carlo Lorenzini – Collodi é sëgn gnü traslaté te de plü variantes dl ladin. Ai 21 y ai 23 de novëmber él sté la presentaziun a San Martin.
L’Istitut Ladin Micurá de Rü, le Comun General de Fascia, l’Union di Ladins de Fascia y l’Istitut Cultural Ladin Cesa de Jan á le plajëi da presenté le liber „Les aventöres de Pinocchio“, n roman classich dla leteratöra por mituns, che an pó sëgn lí por ladin dla Val Badia, por gherdëna, fascian y fodom. I dessëgns é gnüs fac da Sara Welponer.
Le laur é le resultat de na buna colaboraziun danter les istituziuns ladines y al é dediché dantadöt a Sergio Masarei, che â albü por pröm l’idea y le som da fá la traduziun de chësc bel liber te dötes les variantes ladines.
Sciöche vigni traduziun é ince chësc laur sté n laboratore de inrescida, de sperimentaziun y de valorisaziun dla richëza de inoms y de parores ladines.
USP
Galaria dales fotografies
