Prejentazion dla chertes de Urtijëi cun i toponims ladins ai 12/12
La prejentazion dla chertes ortofoto cun i toponims ladins dl Chemun de Urtijëi, de Sureghes, Runcadic, Bula y de Mont Sëuc unirà a se l dé ai 12 de dezëmber.
La nrescida sun i toponims ie de gran mpurtanza per na mendranza linguistica, dantaldut per l’identità culturela. Tl raion ladin vën i microtoponims dantaldut dant per ladin. Per i majeri toponims (chemuns, ridli) abinen nce curespundënzes tudësces y talianes. L Istitut Ladin “Micurà de Rü“ y l Chemun de Urtijëi nvieia duc i nteressei ala prejentazion dla chertes ortofoto cun i toponims ladins dl Chemun de Urtijëi, de Sureghes, Runcadic, Bula y de Mont Sëuc.
Pra la nrescida se an stizà sun la cherta dl chemun de Urtijëi, sun chëla de Mont de Sëuc dates ora bele dan da ani dala Lia Natura y Usanzes y sun informazions de truepa persones che à judà pea. La georeferenziazion ie unida fata da Elmar Irsara. La chertes ie unides stampedes cun l cuntribut dla Fundazion Cassa dl Sparani de Südtirol, dl Assessorat per la scola y cultura ladina dla Provinzia Autonoma de Bulsan-Südtirol y di Chemuns de Urtijëi y Ciastel. Cuordinà l pruiet à Leander Moroder y Alexander Prinoth.
La prejentazion dla chertes unirà fata
n merdi, ai 12 de dezëmber 2017
dala 20:30
tla cësa de cultura Luis Trenker
a Urtijëi.
Do la paroles de salut dl assessëur ladin Florian Mussner, dl ambolt de Urtijëi Tobia Moroder y dla presidënta dl Istitut Erika Castlunger prejentarà Leander Moroder y Alexander Prinoth la chertes ortofoto.
USP
