Ejam de ladin dl’Intendënza ladina: Iscriziuns cina ai 23 de jené
Ciamó cina ai 23 de jené él poscibl da se scrí ite al ejam de ladin dl’Intendënza ladina por le sorvisc tles scolines y scores dles localités ladines.
Por insegnanc y insegnantes che ó se scrí ite tles graduatories por insigné tles scores elementares, mesanes, altes, profescionales o de musiga y tles scolines dles localités ladines él nezesciar da avëi superé l’ejam de ladin organisé dal’Intendënza ladina da Balsan.
La proa scrita dl ejam gnará fata ai 19 de forá 2018 dales 9:00 tla scora mesana “Tita Alton” da La Ila. La domanda mëss gní fata cun le formular aposta che é da ciafé te vigni direziun de scolina y scora y che mëss gní mené al Departimënt Educaziun y Cultura Ladina, strada Binder 29, 39100 Balsan. Le termin por dé jö la domanda toma dales 12:00 en dedolönesc, ai 23 de jené dl 2018.
L’Istitut ladin “Micurá de Rü“ mët a jí te sües sëntes cursc por se arjigné al ejam de ladin. I candidac interessá/les candidates interessades pó se informé diretamënter pro l’Istitut ladin “Micurá de Rü” (sënta te Sëlva 0471- 794268, sënta a San Martin de Tor 0474 - 523110). Le curs é debann. I termins dl curs vëgn injuntá a chësta comunicaziun.
Por de plü informaziuns sön l’iscriziun y les modalités dl ejame prëibel vijité la plata internet dl’Intendënza ladina:http://www.provincia.bz.it/ntendenza-ladina/
USP
