Dërt y raporc cun l’ester: plata nöia online
Na vijiun ampla di ciamps politica, dërt y raporc cun l’ester dl’aministraziun provinziala dl Südtirol pita na plata web nöia dla Provinzia.
http://www.provinzia.bz.it/politica-dert-relaziuns-ester/dert/ é la misciun dla plata web nöia. Al se trata de n proiet che vá sura les repartiziuns y i ofizi fora y che é gnü realisé cun le sostëgn tecnich de Südtirol Informatik AG (SIAG). Chiló ciafëise tres na suravijiun tlera les leges provinziales, les deliberaziuns dla Junta provinziala, l’ativité contratuala dl‘Avocatöra dla Provinzia y ince döt le raiun legal; implü ciafëise informaziuns sön l’adoranza linguistica dl’aministraziun provinziala, les normes traslatades, sciöche ince les publicaziuns y comunicaziuns dla Direziun generala y dl Secretariat general. Cina sëgn ê la maiú pert di contignüs dla seziun de "dërt" partis sö sön de plü plates web desvalies, cun dificoltés por chi che porvá da chirí do informaziuns. L’anuzadú vëiga bele sëgn sön la pröma plata ci tematiches che vëgn tratades.
„Por mirit dl layout web nü vëgn sëgn chësc ciamp ampl mostré te internet a na manira tlera y an ciafa debota düc i contignüs“, sotrissëia l’assessuria provinziala por l’IT Waltraud Deeg.
Do la plata web nöia s’ascogn n motor d’archirida sterch, cun chël che ara vá da chirí saurí informaziuns. Implü é la plata internet nöia gnüda programada sciöche plata web "responsiva", chël ó dí che an la vëiga sciöche al alda sön düc i aparac (laptop, desktop dl computer, tablet, smartphone, e-book-reader y televijiun). La plata web nöia é dan man te düc trëi i lingac.
USP
