Pasca: ofizi stlüc vëndres y lönesc, mertesc degöna Junta
Tratan les festes da Pasca sará i ofizi provinziai stlüc da en vëndres, ai 30 de merz cina en lönesc, ai 2 d’aurí. En mertesc ne sarál degöna sentada dla Junta.
La Provinzia de Balsan stlüj i ofizi da en Vëndres Sanc (ai 30 de merz) cina en Lönesc de Pasca (ai 2 de aurí). Tratan les festes gnarál sciöche tres garantí i sorvisc de nezescité publica: dala Zentrala dla Viabilité ai Stödafüch profescionisć cina al Sorvisc Meteo, ala Forestala y al Sorvisc Strades. I ofizi sará indô daverc da en mertesc, ai 3 d’aurí inant. Proscima edema ne él preodü degöna sentada dla Junta provinziala.
USP
