La Scuvierta dla Dolomites: prejentazion dl liber tla Teßmann
La biblioteca provinziela "Friedrich Teßmann" a Bulsan urganisea n juebia, ai 12 d’auril dala 20:00 la prejentazion dl liber nuef “Die Entdeckung der Dolomiten"
Dan urmei plu che 150 ani ova doi gentlemen nglëisc y si fenans fat n viac tres na terra incognita de gran trajënza: la Dolomites. Cun marueia. Plëns de ntujiasm. For inò. Cun la calés, cun mui, suvënz a pe. I prim turisć! Si liber de viac “The Dolomite Mountains” ie unìt ora dl 1864 a London y à per l prim iede purtà ala lum dl mond “i crëps majarei” che fova nchin ntlëuta tan che mé cunesciui da si abitanc. Da ntlëuta ie la Dolomites n travert dejidrà tl cuer dla Elpes. Y da diesc ani incà patrimone naturel mundiel Unesco. Si “belëza monumentela unica” ie unida scuvierta, nfrusceda y festejeda tres chësc liber.
L jurnalist Erwin Brunner, nasciù a Sanciana, à studià a Viena y l viv dal 1982 a Hamburg. Do ani de lëur de redatëur pra la ZEIT, Merian y coche caporedatëur dl National Geographic lëurel ncuei coche jurnalist liede y autor.
L liber "Die Entdeckung der Dolomiten” gnarà prejentà
n juebia, ai 12 d’auril,
dala 20 da sëira,
tla biblioteca provinziela "Dr. Friedrich Teßmann"
A.-Diaz-Str. 8 a Bulsan.
La prejentazion a Bulsan ie unida a se l dé tres na cunlaurazion danter la biblioteca Tessmann n cunlaurazion cun l editor Athesia. La sënta dla biblioteca “Friedrich Teßmann” ie tla streda Armando-Diaz 8 a Bulsan, tel. 0471 471814, adres internet: http://www.tessmann.it/la/home.html.
USP
