Leteratöra y mendranzes: letöres tles scores ladines
Ince inann organisëia le Departimënt Scora y Cultura ladina de plü incuntades cun auturs y auturies tles scores altes ladines.
La Repartiziun Cultura todëscia y le Departimënt Scora y Cultura ladina á metü a jí deboriada cun la Lia di artisć südtirolej (Südtiroler Künstlerbund) ince iniann indô trëi letöres cun auturs y auturies tles scores altes dla Provinzia. Por ci che reverda les scores altes ladines él gnü chirí fora l’auturia Rut Bernardi, le scritur Matthias Vieider y l’autur Arno Dejaco.
La pröma incuntada é gnüda a se le dé ai 12 d’aurí cun l’auturia y scrituria Rut Bernardi che á tigní n danmisdé de letöra de sües operes tla scora d’ert Cademia de Urtijëi. La scrituria ladina á baié dla relaziun dl ladin danter lingaz de mendranza y valur dla leteratöra ladina. Por Bernardi á le ladin na richëza leterara ampla sciöche vigni ater lingaz. Na problemtica atocada dal’auturia ladina é le püch interes dla jonëza ti confrunc dla leteratöra y dl’ert ladina. Cun jüc linguistics o formes alternatives de ativaziun dl ladin podess l’adoranza dl ladin crësce, insciö Bernardi che á lit dant da süa storia “100 Wörter pro Tag”. L’auturia Rut Bernardi é conesciüda danterater por sües inrescides scientifiches dl ladin y dantadöt ince por sües operes leterares y teatrales. Ara é portadëssa dl “Premio Ostana – scritture in lingua madre – Premio Nazionale” y dla decoraziun de mirit dl Land Tirol.
Sön le program él ciamó n danmisdé de letöra cun Arno Dejaco ai 18 de ma tl zënter dles scores altes a La Ila y ince n danmisdé de letöra cun l’autur Matthias Vieider che liará dant da sües operes tla scora profescionala de Urtijëi.
Matthias Vieider é nasciü ai 5 de novëmber dl 1990 a Balsan y al é mëmber dla Lia di auturs dl Südtirol. Vieider á ince davagné le pest de lirica internazional Babelsprech. Al é conesciü danterater por le liber “Die Reise nach Sils Maria” publiché dl 2016, sciöche ince por de plü publicaziuns de lirica sciöche “das neue lied” (Graz, 2016), o “Miniaturen” (Göttingen 2015).
Arno Dejaco é nasciü dl 1976 a Balsan y é chersciü sö a Porsenú. Al á davagné dui iadi le “Morgenstern Poetry Slam”; danter sües publicaziuns plü conesciüdes él da ciafé “Lichtungen” (2017) y “Filadressa 09”. Dejaco á ince metü da jí de plü proiec danterater “Writers Corner” y “Enlightenment
USP
Galaria dales fotografies
