#5: le presidënt Kompatscher fej le bilanz dla legislatöra
L’autonomia, le Südtirol tl’Europa y le svilup economich y sozial dla Provinzia sará les tematiches dl’evënt #5 de fin dla legislatöra dl presidënt Kompatscher.
Do cater agn y mez a cé dla Junta provinziala fajará le presidënt dla Provinzia Arno Kompatscher n bilanz de süa ativité tl contest dla seria de scomenciadies #5. Le presidënt rajonará dles tematiches dl svilup dl’autonomia y dl laur fat por renforzé le bilanz provinzial, sciöche ince dla colaboraziun cun Trënt, Desproch, Roma, Viena y Bruxelles. Tratan l’evënt gnarál ince rajoné dl svilup economich y sozial tl Südtirol, sciöche dles gran sfidades por le dagní y les priorité di proscims agn. Le presidënt fajará so bilanz
en jöbia, ai 19 de lugio dl 2018,
dales 10,
tla curt interna dl Palaz Widmann,
tla plaza Silvius Magnago 1,
a Balsan.
La manifestaziun é daverta por düc i interessá. Vignun pó tó pert ala discusciun fajon domandes ince sön Twitter. Al basta scri na domanda cun le hastag #5Jahre5anni. Danter dötes les domandes gnarál tut ca cinch che ti gnará fates al presidënt tratan la manifestaziun. Chël cun le presidënt Kompatscher é le cuarto evënt dla seria de scomenciadies #5 tratan chëra che düc i assessurs y les assessuries fajará n bilanz dla legislatöra. Ai 21 d’agost gnarál spo a se le dé l’evënt de contlujiun cun döta la Junta.
USP
