Junta: Al é gnü nominé la Consulta culturala ladina
La Junta provinziala á nominé incö ai 14 de ma i comëmbri nüs dla Consulta culturala ladina.
La Junta provinziala á nominé incö ai 14 de ma dl 2019 les cater porsones che fej pert dla Consulta culturala por le grup linguistich ladin. Presidënt dla Consulta é de lege l'assessur ladin, i comëmbri nüs é esperc te de plü ciamps culturai, al se trata de Sabine Piazza, Christa Kasslatter, Konrad Tavella y Ludwig Rindler.
La pröma incuntada dla Consulta culturala gnará a se le dé ai 21 de ma a Balsan.
L’assessur por la cultura ladina rengrazia i comëmbri da denant por so impëgn y profescionalité por la cultura ladina: “La consulta culturala é fondamentala por la promoziun de proiec y scomenciadies culturales”. Les competënzes primares dla consulta culturala é chëres da sostigní les assoziaziuns y les organisaziuns culturales ladines y da valuté i finanziamënc provinziai por le ciamp dla cultura. Al ti speta ince da fá propostes por manifestaziuns y ativités culturales che la Provinzia mët a jí diretamënter. Implü dess la Consulta ince sostigní la promoziun de manifestaziuns culturales
USP
