Di dla Scola Ladina ai 30 de agost te Sëlva
Ai 30 de agost vëniel a se l dé l Di dla Scola Ladina. L focus ie sun l plurilinguism.
Cun l di dla scola ladina mët nce chëst ann man l ann de scola nuef per dut l personal nseniant dla scoles de Gherdëina y dla Val Badia. L plurilinguism y l mparé deberieda de sculées y sculeies de cultures defrëntes sarà la tematica prinzipela dla edizion da chëst ann. L professëur dl’ Università Ca’Foscari de Venezia Fabio Caon tenirà n referat sun chësta tematica y darà cunsëies sun l plurilinguism y la multiculturalità. La manifestazion unirà giaurida dal assessëur Daniel Alfreider y dala ntendënta Edith Ploner. L unirà prejentà i azënc zentrei dl ann de scola 2019/2020 y l unirà nce fat na descuscion. La manifestazion che vën meneda da Claudia Schrott y Lois Castlunger vel sciche furmazion per l personal nseniant. La scola de mujiga de Gherdëina abelirà l di.
L di dla scola ladina vën a se l dé
n vënderdi, ai 30 de agost 2019
dala 9.00
te Sëlva, tla cësa de cultura “Oswald von Wolkenstein, str. Mëisules n. 146.
USP
