Ejams de bi- y trilinguism, al vëgn chirí comissars de lingaz ladin
Al toma ai 30 de setëmber le termin por dé jö les candidatöres por comissar/a dl ejam por la zertificaziun dl lingaz ladin por la perioda 2020/24.
Al toma ai 30 de setëmber le termin por dé jö les domandes por se candidé sciöche aspiranc comissars d’ejam por la zertificaziun dla conescënza dl lingaz ladin por la perioda dal 2020 al 2024. Chësta comunicaziun vëgn dada dala Provinzia Autonoma de Balsan y dal Comissariat dl Govern por la Provinzia de Balsan. Les domandes mëss gní dades jö al Comissariat dl Govern por la Provinzia de Balsan – Ofize unich dl personal dles aministraziuns statales – portina de via Egger Lienz nr. 2, olache al é ince desponibl le formular, che pó ince gní desciarié tres le sit www.prefettura.it/bolzano tla seziun Aministraziun trasparënta/ejams de bi- y trilinguism.
I recuisic por l’amisciun é publicá adöm cun i criters de seleziun y de nomina tl Bolentin Ofizial dla Regiun n.35/IV del 28.08.2019.
L’orar por le publich dl Ofize unich dl personal dles aministraziuns statales é dal lönesc al vëndres dales 10.00 ales 12.00. Por informaziuns él poscibl da contaté le numer 0471/294449. Le formular por la domanda y gnü injunté y an le ciafa ince pro le Sorvisc ejams de bi- y trilinguism, strada Perathoner 10 a Balsan o sön le sit www.provincia.bz.it/ebt.
USP
