Strada dla Val Badia, pröma esplojiun controlada ai 20 de jená
Cun la pröma esplojiun controlada ai 20 de jená dl portal sud metará man la costruziun dl tunel de azes dla Val Badia ince dala pert de Flaurënz.
Le tunel nü metará man dala zona produziva Aue, tl Comun de San Laurënz y ará na lunghëza de 990 metri. Al é öna dles operes prinzipales por ci che reverda l’azes nü ala Val Badia. I laurs de preparaziun vá inant te na manira regolara. Al é insciö preodü la pröma esplojiun contralada por mët man i laurs de costruziun dl tunel ince dala pert de San Laurënz. Por l’ocajiun gnarál metü da jí na picera zerimonia de scomenciamënt di laurs en presënza dl assessur por la mobilité Daniel Alfreider y i ombolc de San Laurënz y dla Val Badia
en lönesc, ai 20 de jená dl 2020
dales 15
pro le portal a sud dl azes dla Val Badia
tla zona artejanala Aue
a San Laurënz.
I rapresentanc di media é inviá da tó pert ala manifestaziun.
USP
